ڈبلیو ایچ او کوروناوائرس نا نزور مننگ نا دعویٰ تے مستردکرے

جنیوا: جہانی ادارہ جان جوڑی ہمو دعویٰ تے مسترد کرینے ہرافتے ٹی دعویٰ کننگانے کہ کوروناوائرس تینا زوراکی آن ہِننگ ءِ۔ سے شنبے نادے آ برطانوی نشریاتی ادارہ نا رداٹ داکان مست اٹلی ٹی اسہ سینیئر ڈاکٹر اس پاریسس کہ ہندن لگنگ ءِ کہ وائرس داسہ نزور مسنے، و اونا کسفنگ نا واکداری کم مسنے۔ سین رافائل ہسپتال نا بے کچ نگہداشت نا یونٹ نا سروک پروفیسر البرٹوزنگریو دعویٰ کریسس کہ کوروناوائرس داسہ کلینیکلی ساڑی اف۔ ولے چندی سائنسدانک ہرافتے ٹی ڈبلیو ایچ او نا چاہندار آک ہم اوار ءُ نا پاننگ ءِ کہ داخیال انا ہچ ءُ شاہدی اس اف۔ ڈبلیو ایچ او ٹی دینی ناجوڑی تا چاہندار ماریا وین کیرکوف نا پاننگ ءِ کہ ہلنگ نا لائخی نا رد اٹ کوروناوائرس اٹ ہچ ءُ بدلی اس بتنے و ترندی نا رد اٹ ہم داٹی ہچ ءُ بدلی اس بتنے۔

(اے پی پی)