صوبہ ٹی ملکی و جہانی زرکاری نا وارخواہی بھاز ءِ، گورنر بلوچستان

کوئٹہ : گورنربلوچستان امان اللہ خان یاسین زئی پارینے کہ بلوچستان قدرتی وسیلہ و معدنیات آن شپ ءُ صوبہ اسے داڑے ملکی و جہانی زرکار آتیکن زرکاری نا کٹیا کروک وارخواہی ارے‘ ہنداسوب آن المی ءِ کہ غٹ زرکار آک صوبہ ٹی دوئی وارخواہی تیان فائدہ ہرفر۔ گورنر بلوچستان پارے کہ ساڑی حکومت زرکار آتے رکھ تننگ کن پرعزم ءِ۔ دا خیال آتادرشانی ءِ او سَے شنبے نادے گورنرہاﺅس کوئٹہ ٹی اینگرو کارپوریشن نا صدر غیاث خان ناکماشی ٹی اوڑدہی کروک ڈل اتون ہیت وگپ کرسا کرے۔دا وخت آ اینگرو انرجی نا چیف ایگزیکٹو آفیسر احسان ظفر سید و ایڈوائزر ٹو اینگرو کارپوریشن بریگیڈیئر ریٹائرڈ طارق قادر لکھیار ہم ساڑی ئس۔ اوڑدہی نا وخت آ گورنر بلوچستان پارے کہ صوبہ ٹی توانائی نا تنکی ءِ چٹفنگ‘ ہندی آبادی ءِ روزگار نا وارخواہی فراوان کننگ و اقتصادی شونداری وشونہالی نا پک کروک ہدف آتے دوئی کننگ اٹ زرکار آک اہم کڑد ادا کننگ کیرہ‘ صوبہ ٹی زرکاری آن نئے بیرہ ہندی کہول آ بندغ آتے روزگار نا جوان وارخواہی دوئی مریک بلکہ صوبہ ہم زوت شونداری وشونہالی نا کسر آروان مریک۔او پارے داسہ روایتی وڑ وڈول اٹ صوبہ نا الس ءِ بجلی وگیس انا فراوانی پک کننگ مفک ہندا سوب آن وخت بسنے کہ داسہ توانائی ناپین و پوسکن ءُ وڑ ڈول تینائی کننگے انتئے کہ پوسکن آ ٹیکنالوجی و ایلو توانائی آن نن تینا آخبت ءِ رکھوک کننگ کینہ۔

(خ ن)