بنجائی آئی ٹی وزیر باکو آ ہنا، جہانی کانفرنس آن تران کیک
Get real time updates directly on you device, subscribe now.
اسلام آباد، بنجائی وزیر انفارمیشن ٹیکنالوجی و ٹیلی کمیونیکیشن شزا فاطمہ خواجہ آذربائیجان نا دارالحکومت باکو نا سرکاری دورہ غا ہنانے‘ او جہانی کانفرنس اٹی بشخ ہلیک ہراڑے السی راجی آسودہی و حکومتی نظام اٹی پوسکن آ ٹیکنالوجی نا کمک اٹ گچینی اتنگ نا سرحال آ اہم تران کیک۔ وزارت آئی ٹی و ٹیلی کام آن جاری بیان نا رداٹ باکو ٹی بنجائی وزیر نا اقوام متحدہ نا بڑزکو عہدیدار لی جُنھو(Li Junhua) تون اہم اوڑدہی پک ءِ ہراٹی ڈیجیٹل کمکاری و مدامگی شونداری نا ہدف آتیا گپ وتران کننگک۔ داکان بیدس آذربائیجان نا سرکاری خذمت آتا ایجنسی نا چیئرمین اولوی مہد ییف تون ہم اوڑدہی کیک ہراٹی السی خذمت آتا ڈیجیٹلائزیشن نا آزموندہ غاتا ہل وتس کننگک۔ بنجائی وزیر نا اقوام متحدہ نا ڈیجیٹل باندات نا خصوصی ایلچی تون ہم اوڑدہی گمانی ءِ ہراٹی جہانی ڈیجیٹل فریم ورک و پاکستان نا آئی ٹی بشخ اٹی شریداری نا وارخواہی تیا گپ وتران کننگک۔