صحافی تا ویلفیئر کزیت آ معاوضہ نا نظام اس جوڑ کننگے، عطاء اللہ تارڑ

اسلام آباد، بنجائی وزیر حوالکاری و شینکاری عطاء اللہ تارڑ پارینے کہ ٹی وی چینل آک سرکاری و پرائیویٹ بشخ آن اشتہار ہلیرہ وخت اس کہ ڈیجیٹل وڑ اٹ ہم کٹیا مریک، اوکان پد ہم صحافی تا ویلفیئر کن ہچ ءُ فنڈ اس جوڑ مننگ کتو و نئے ڈیوٹی نا دے تے ٹی کزیت کروک صحافی تیکن پیکج اس تیار کننگا۔ پنچ شنبے نادے آ راجی رابطہ نا پلیٹ فارم ”ایکس“ آ تینا اسہ پوسٹ اسے ٹی بنجائی وزیرحوالکاری پارے کہ پاکستان براڈ کاسٹرز ایسوسی ایشن (پی بی اے) ءِ صحافی تا راجی آسودہی کن نظام اس جوڑ کروئی مریک، داسہ داوڑ چلینگپک۔