جام کمال خان نا ترکیہ ٹی سعودیہ، مصر و تیونس نا کمامدار آتتون اوڑدہی
Get real time updates directly on you device, subscribe now.
اسلام آباد، پاکستان جہانی کہول آ تینا اقتصادی سفارت کاری ءِ پین فعال جوڑ کننگ و پوسکن آ واپاری منڈی تسکان رسینگ گیگ کن اہم پیش رفت کرینے، بنجائی واپار وزیرِ جام کمال خان ترکیہ ٹی اسلامی کمکار تنظیم (او آئی سی) نا اقتصادی و واپاری کمیٹی (کومسیک) نا 42 می دیوان نا وخت آ سعودی عرب، مصر و تیونس نا بڑزکو کہولی کمامدار آتتون جتا جتا اوڑدہی کرے، ہرافتیٹی تین پہ تینی واپار، درملکی زرکاری، صنعتی کمکاری و اسیجائی واپاری ڈٹ آتا شونداری آ سرجم گپو تران کننگا، بنجائی واپار وزیرِ جام کمال خان سعودی عرب نا ڈپٹی گورنر جہانی تنظیمات و معاہدات فرید ایس العسالی تون اوڑدہی کرے، ہراٹی کشت و کشار، صنعت، لائیو اسٹاک و غذائی رکھ انا بشخ آتیٹی کمکاری ءِ ودفنگ آ امنا کننگا۔