پنچ سال اسکان نا چناتے پولیو کنفنگ ءِ پک کننگے، ریاض داوڑ
Get real time updates directly on you device, subscribe now.
شمالی ڈیرہ بگٹی، وزیراعلیٰ بلوچستان میر سرفراز بگٹی نا وژن و صوبائی حکومت نا پارت نا رد اٹ پولیو تور مہم ءِ سرسہب کننگ کن پولیو مہم نا مسٹمیکو دے نا ایوننگ پروگریس میٹنگ ڈپٹی کمشنر شمالی ڈیرہ بگٹی ریاض خان داوڑ نا کماشی ٹی اڈ ہلک۔ دیوان اٹی ڈویژنل ڈائریکٹر ہیلتھ سروسز کوہِ سلیمان ڈاکٹر مہر دین کھیتران، ڈسٹرکٹ ہیلتھ آفیسر (DHO) ڈاکٹر وکیل شیرانی، ڈاکٹر گل بگٹی، این اسٹاپ پولیو افسر و ایلو تعلقدار کارندہ غاک بشخ ہلکر۔ دیوان نا وخت آ پولیو مہم نا مسٹمیکو دے انا کارکڑد، فیلڈ ٹیم تا پیشرفت و پک کروک ہدف آتا دوئی کننگ نارد اٹ جم بریفنگ تننگا۔ دا وخت آ ڈپٹی کمشنر ریاض خان داوڑ مہم نا کارکڑد نا جاچ ءِ ہلسا تعلقدار افسر و پولیو ٹیم تے پارت کرے کہ مہم ءِ پین گچین جوڑ کننگ کن تینا کوشست آتے ترند کیر۔