2025 اسکان دائر کروک سزائے موت نا اپیل آتیا فیصلہ غاک مسنو،چیف جسٹس آف پاکستان جسٹس یحییٰ آفریدی

اسلام آباد، چیف جسٹس آف پاکستان جسٹس یحییٰ آفریدی آن سپریم کورٹ بار انا پوسکن گچین مروک آ و ہنوک آ کابینہ اوڑدہی کرے، اوڑدہی ٹی عدالتی اصلاحات آ گپ و تران کننگا وخت اس کہ چیف جسٹس پارے کہ سپریم کورٹ نا ہر بینچ انا مون آ ہڑدے کساس 20، 30 مقدمہ سماعت کن پک کننگرہ، فوجداری و سروس مقدمہ غاتا سماعت کن خصوصی بینچ ٹہیفنگانے، سال 2025ء اسکان دائر مروک آ سزائے موت انا اپیل آتیا فیصلہ غاک کننگانو، وخت اس کہ سال 2026ء اٹی دائر مروک آ سزائے موت انا اپیل آتا سماعت برجا ءِ، زالبول آتا وراثت و مڈی نا بشخ و پانٹ تون تعلقدار پد تموک مقدمہ غاتے 30 اگست 2027ء اسکان سر تننگ نا ہدف پک کننگانے، پنج شنبے آ چیف جسٹس آف پاکستان جسٹس یحییٰ آفریدی تون سپریم کورٹ بار ایسوسی ایشن نا پوسکن گچین مروک آ و ہنوک آ کابینہ اوڑدہی کرے، پوسکن گچین مروک آ کابینہ نا کماشی ءِ سید امجد شاہ و ہنوک آ کابینہ نا کماشی ءِ ہارون الرشید کرے، چیف جسٹس پوسکن گچین مروک آ عہدیدار آتے مبارکبادی تس و ہنوک آ کابینہ نا کمکاری نا ستا ءِ کرے۔