رکھنی شار ءِ پوسکن آ آسراتی تتون ہم گرنچ کننگ ءِ اولیت تننگک،سیکرٹری مواصلات و تعمیرات

کوئٹہ، سیکرٹری مواصلات و تعمیرات بلوچستان بابر خان نا کماشی ٹی اپ لفٹنگ آف رکھنی ٹاؤن و ری ماڈلنگ آف رکھنی بازار ڈٹ اتون تعلقدار اسہ اہم ءُ جاچ دیوان اس اڈ ہلک۔ دیوان اٹی چیف انجینئر لورالائی ژوب زون زبیر احمد کھوسہ، ایس ای بارکھان و موسیٰ خیل عبدالرازق مندوخیل، ایگزیکٹو انجینئر بارکھان انجینئر فضل کریم، ٹیکنیکل ایڈوائزر احسان اللہ دوتانی، تعلقدار کنسلٹنٹ و ایلو افسرآک ہم ساڑی ئسر۔ دیوان نا وخت آ ڈٹ آ مروک پیشرفت، تفوئی سرجز آتیٹی مون تروک چیلنج و آخبت نا لائحہ عمل آن آگاہ کننگا۔ بریفنگ اٹی پاننگا کہ ڈٹ انا وخت آ پوروی کن کاریم برجاءِ و آب آ ہچ وڑ انا سمجھوتہ کننگپک‘ دا وخت آ سیکرٹری مواصلات و تعمیرات بابر خان رکھنی ٹاؤن نا اپ لفٹنگ و بازار نا ری ماڈلنگ نا بابت تران کرسا پارے کہ کوہِ سلیمان ڈویژن نا جوڑ مننگ آن پد رکھنی ءِ ڈویژنل ہیڈ کوارٹر ناوڑ اٹ خصوصی اہمیت دوئی مسنے۔ دا رد اٹ شار انا بنداوی آسراتی، کسر، آبنوشی و سیوریج و بازار و شاری پنجر نا گچینی المی ءِ‘ او تعلقدار کمامدار آتے پارت کرے کہ رکھنی شار ءِ پسکنوڑ خواست آتتون ہمگرنچ کننگ کن ڈٹ آ کاریم نا رفتار ءِ پین ترند کننگے و آب ءِ پک کننگے۔ او پارے کہ تعلقدار کمامدار آتے دا پارت کننگانے کہ ہراڑے ہم اوفتے کاریم کننگ نا وارخواہیک دوئی ءُ، ہموڑے پورو ترندی اٹ کاریم ءِ پورو کیر۔ او پارے کہ ننے اسہ ٹیم ورک اسے نا وڑ اٹ کاریم کروئی تمک تاکہ دا اہم وڑ انا ڈٹ تینا پک کروک وخت آ پورو مرے۔ سیکرٹری مواصلات و تعمیرات بابر خان دا ارادگی نا درشانی ءِ کرے کہ صوبائی حکومت نا دا اولیکو اولیت ءِ کہ رکھنی شار ءِ دا دور انا پوسکنوڑ آسراتی تتون ہم گرنچ کننگے ہرادے بھلو سڑک‘ گچین اسٹریٹ لائٹ، آب اٹنگا بائی پاس آن بیدس بنجائی بازار اٹی دکان و ریڑھی والا تیکن جتا و منظم جاگہ فراوان کننگک۔ سیکرٹری مواصلات و تعمیرات دا ارادگی نا درشانی ءِ کرے کہ رکھنی شار اٹی برجا شونداری ڈٹ آتے وخت آ پورو کرسا الس ءِ ریلیف فراوان کننگک تاکہ پدتموک آ علاقہ غاتا شونداری و شونہالی نا تغ ءِ پورو کننگ مرے۔