شفاف سبسڈی اسکیم آخبت اٹی السی آسراتی نا دن انگا گام گیج آتے کن گیم چینجر اس مریک،وزیراعظم شہبازشریف

اسلام آباد، وزیراعظم محمد شہباز شریف پرائم منسٹر فیول ریلیف پروگرام نا داتم اسکان نا پیش رفت و شفافیت آ است جمی نا درشانی ءِ کرسا پارینے کہ شفاف سبسڈی اسکیم آخبت اٹی السی آسودہی نا دن انگا گام گیج آتیکن اسہ گیم چینجر اس مریک، وزیراعظم محمد شہباز شریف نا کماشی ٹی پرائم منسٹر فیول ریلیف پروگرام نا بابت اہم ءُ دیوان اس اڈ ہلک، دیوان اٹی پرائم منسٹر فیول ریلیف پروگرام آ پیش رفت نا جاچ ءِ ہلنگا، وزیراعظم پرائم منسٹر فیول ریلیف پروگرام نا داتم اسکان نا پیش رفت و شفافیت آ است جمی نا درشانی ءِ کرے و پارے کہ الحمدللہ، رجسٹریشن و سبسڈی نا دوئی کننگ نا وڑ و ڈوَل ءِ آسان جوڑ کننگ نا رند اٹ رجسٹریشن اٹی ودکی مسنے و زیات حقدار شاری دا آسراتی آن فائدہ ہرفنگ اٹی ءُ، وزیراعظم پارے کہ حقدار شاری تیکن ٹیکنالوجی آ تالان دا شفاف سبسڈی اسکیم آخبت اٹی السی آسودہی نا دن انگا گام گیج آتیکن گیم چینجر اس مرو، وزیراعظم اسکیم نا بابت مانیٹرنگ و کارگر ڈیش بورڈ شین تننگ آ بنجائی وزیر انفارمیشن ٹیکنالوجی و ٹیلی کام شزا فاطمہ، بنجائی سیکرٹری انفارمیشن ٹیکنالوجی و ٹیلی کام ضرار حاشم خان و اوفتا ٹیم نا ستا ءِ کرے، وزیراعظم پیٹرولیم سبسڈی اسکیم نا رد اٹ رجسٹرڈ حقدار آتے آسراتی فراوان کپروک آ پیٹرول پمپ آتا لائسنس آتے منسوخ کننگ نا پارت کرے، دیوان ءِ پرائم منسٹر فیول ریلیف پروگرام نا پیش رفت آ بریفنگ تننگا، دیوان ءِ پاننگا کہ سبسڈی اسکیم نا رد اٹ داتم اسکان 15,519,282 شاری رجسٹر مسنو، ہرافتیان 15.06 ملین موٹر بائیک و 449 ہزار 800 سی سی اسکان نا گاڈی تا خواجہ ءُ، سبسڈی اسکیم نا رد اٹ داسکان 63,153,685 ٹوکن جاری مسنو ہرافتیان 59,445,347 ٹوکن کاریم اٹ اتنگانے، فیول سبسڈی اسکیم نا رد اٹ 4 نومبر 2026ء اسکان 28.6 ارب روپئی نا زر تننگانو۔ پرائم منسٹر فیول ریلیف اسکیم نا بابت معلومداری و غاو تا ایسری کن صارف و پیٹرول پمپ آتیکن جتا جتا کال سنٹر جوڑ کننگانے، دیوان اٹی نائب وزیراعظم و وزیر خارجہ محمد اسحاق ڈار، بنجائی وزیر اقتصادی باندات احد خان چیمہ، بنجائی وزیر موسمیاتی بدلی مصدق ملک، بنجائی وزیر خزانہ و بُنگکاری محمد اورنگزیب، بنجائی حوالکاری و شینکاری وزیر عطاء اللہ تارڑ، وزیر پیٹرولیم ڈویژن علی پرویز ملک، وزیر مملکت خزانہ بلال اظہر کیانی، وزیراعظم نا خصوصی کمکار طارق باجوہ، وزیراعظم نا خصوصی کماکر توانائی لیفٹیننٹ جنرل (ر) ظفر اقبال و تعلقدار بڑزکو کہولی سرکاری افسر آک بشخ ہلکر۔