قلعہ عبداللہ دھرنا کمیٹی و حکومتی ڈَل انا نیام اٹ مذاکرات سرسہب
Get real time updates directly on you device, subscribe now.
کوئٹہ، صوبائی وزیرداخلہ میر ضیاء اللہ لانگو نا کماشی ٹی بڑزکو کہولی حکومتی ڈَل و دھرنا کمیٹی نا نیام اٹ مذاکرات نا سرسہبی آن پد قلعہ عبداللہ نا علاقہ جنگل پیرعلیزئی ٹی برجا دھرنا ءِ چٹفسا شاہراہ ءِ ہر وڑ انا ہن و بر کن ملفنگا۔ حکومتی ڈَل ہراٹی صوبائی وزیرداخلہ میر ضیاء اللہ لانگو و صوبائی وزیر جانجوڑی بخت محمد کاکڑ اوار ئس، دھرنا کمیٹی نا راہشون تتون مذاکرات کریر و اوفتا کل روا انگا خواست آتیا دمدستی عملدرآمد نا پورو باور کرفیر۔ دا وخت آ تران کرسا صوبائی وزیرداخلہ میر ضیاء اللہ لانگو پارے کہ جمہوری راج اٹی پرامن برانز ہر شاری نا بنداوی حق ءِ، و حکومت کل ویل آتا ایسری ءِ ہیت وگپ نا کمک اٹ کشنگ آ باور کیک۔