ڈپٹی کمشنر جعفرآباد ڈیرہ اللہ یار اٹی اڈ ہلوک فری آئی میڈیکل کیمپ نا بناءِ کرے

جعفرآباد، ڈپٹی کمشنر جعفرآباد خالد خان فلاحی ادارہ ناکنڈآن ڈسٹرکٹ ہیڈ کوارٹر ہسپتال ڈیرہ اللہ یار اٹی اڈ ہلوک فری آئی میڈیکل کیمپ انا بناءِ کرے۔ دا وخت آ او اسہ خن تیاں زہمی زالبول اسے تون اوار فیتہ ءِ کاٹ کرسا کیمپ انا باقاعدہ بناءِ کرے۔ دود اٹ سیاسی و قبائلی راہشون میر مٹھا خان بادینی، محکمہ جانجوڑی نا افسر و زند انا جتا جتا بشخ آتتون تعلقداربندغ آک ہم ساڑی ئسر۔ ڈپٹی کمشنر خالد خان فری آئی میڈیکل کیمپ انا جتاجتا بشخ آتا دورہ ءِ کرے و منتظم آتیان کیمپ اٹی فراوان کروک طبی آسراتی، ناجوڑ تے ہننگ‘ خن تا ناجوڑی نا تشخیص و مفت تروک دارو تا بابت معلومداری دوئی کرے۔ دا وخت آ ڈپٹی کمشنر خالد خان پارے کہ فلاحی ادارہ ناکنڈ آن حقدار و غریب ناجوڑ آتے مفت طبی آسراتی تا فراوانی اسہ ستا کڑزوک ءُ گام گیج اسےِ۔