بلوچستان اسپیشل ڈویلپمنٹ انیشی ایٹو نا فیز ون آ کاریم برجاءِ، الیاس کبزئی
Get real time updates directly on you device, subscribe now.
سیوی، ڈپٹی کمشنر سیوی میجر (ر) الیاس کبزئی نا کماشی ٹی ڈسٹرکٹ کوآرڈینیشن کمیٹی نا دیوان اڈ ہلک، ہراٹی ایس ایس پی سیوی عبدالحمید، اسسٹنٹ کمشنر ملک بہادر خان بنگلزئی، چیئرمین میونسپل کمیٹی سردار محمد خان خجک تون اوار کل محکمہ غاتا افسر و کانود نافذ کروک ادارہ غاتا نمائندہ و افسر آک بشخ ہلکر۔ دیوان اٹی مچ آ ضلع ٹی برجا شونداری ڈٹ، امن وایمنی نا حالیت، سیکورٹی بست وبند و شاری ویل آتا جم جاچ ءِ ہلنگا۔ دیوان آن تران کرسا ڈپٹی کمشنر میجر (ر) الیاس کبزئی پارے کہ بلوچستان اسپیشل ڈویلپمنٹ انیشی ایٹو نا فیز ون و ٹو انا پوروی آن پد فیز تھری آ کاریم ترندی اٹ برجاءِ۔