پاکستان و سنگاپور نا سفارتی تعلقداری تا 60 می سال دے اڈ تننگک
Get real time updates directly on you device, subscribe now.
اسلام آباد، پاکستان و سنگاپور نا نیام اٹی سفارتی تعلقداری تا 60 می دے آ ہڑتوم آ ملک آتا تین پہ تینی تعلقداری تے تے پین سوگو کننگ کن اہم سفارتی پیشرفت نا اومیت ءِ۔ ترجمان دفتر خارجہ نا رِد اٹ سنگاپور نا وزیر خارجہ ڈاکٹر ویوین بالاکرشنن اینو (جمعہ مبارک نا دے) پاکستان نا سرکاری دورہ غا اسلام آباد آ سر مریک۔ دا دورہ ہڑتوم آ ملک آتا نیام اٹی متکن آ سنگتی و تین پہ تینی کمکاری ءِ پین ودفنگ نا ارادگی نا ڈیک ءِ۔ ترجمان دفتر خارجہ پارے کہ سنگاپور نا وزیر خارجہ نائب وزیراعظم و وزیر خارجہ اسحاق ڈار نا سلہ غا پاکستان نا دورہ ءِ کننگ اٹی ءِ۔ دورہ نا وخت آ ہڑتوم آ ملک آتا وزیرخارجہ غاتا نیام اٹ اوڑدہی مریک‘ ہراٹی ہڑتوم آ کنڈ انا تعلقداری نا کل پہلو تا جاچ ءِ ہلنگ تون اوار علاقائی و جہانی باندات آ ہم گپ وتران مریک۔