ایران آ اسرائیلی جلہو تیان جہانی منڈیک بھس مریرہ، عباس عراقچی

تہران، ایران وارننگ ترسا پارینے کہ ایران آ پوسکن آ اسرائیلی جلہوک جہانی منڈی تیکن بھسکاری نا سوب مریرہ۔ ایرانی وزیر خارجہ عباس عراقچی اسہ بیان اسے ٹی پارینے کہ خلیج فارس نا ڈیہہ اٹی اسرائیل نا کنڈ آن ہر وڑ انا عسکری جلہو جہانی منڈی تیا بھسکاری نا زہم شاغک‘ ہرا گیس فراوان کروک و صارف ہڑتوم آتیکن بھلو گڑتی اسے نا سوب ءِ۔ امریکہ و اسرائیل ہڑتوم آک ایران آ دوارہ جلہو تا دھڑکو تسنو۔ امریکی اخبار نا دعویٰ ءِ کہ امریکہ مڈٹرم گچین کاری آن پد ایران آ چنکو ولے ترند جلہو تا تیاری کننگ اٹی ءِ۔ داکان بیدس ایرانی وزیر خارجہ عباس عراقچی پارینے کہ بہادر سلہہ بند فوج وطنِ عزیز نا رکھ اکن پورو وڑ اٹ سنبرینگوک ءِ وخت اس کہ ایران سفارت کاری ءِ سرسہب مننگ نا پین اسہ وارخواہی اس تننگ اٹی ءِ۔