نیامی دے ٹِک نا جنگ آک چاگڑدی نسل کشی آنبار ءُ، ایرانی صدر

تہران، ایران نا صدر مسعود پزشکیان جہانی برادری آ زور شاغانے کہ او نیامی دے ٹک اٹی برجا جنگ آتا سوب آن مروک ٓ چاگڑدی بھسکاری نا مذمت ءِ کے، غزہ و ڈیہہ انا ایلو علاقہ غاتیٹی جنگ آک قدرتی چاگڑد ءِ بھاز نسخان رسیفینو، ہرانا زہمک سیم آتیٹی سلپسہ‘ خبر رساں ادارہ اے ایف پی نا رِد اٹ ایرانی صدر دا ہیت ءِ آرمینیا ٹی اڈ ہلوک اسہ جہانی ماحولیاتی دیوان اسے آن تران کرسا کرے، ہراٹی اقوامِ متحدہ نا سیکرٹری جنرل انتونیو گوتریس ہم ساڑی ئس۔ مسعود پزشکیان پارینے کہ ڈیہہ اٹی جارحانہ جنگ انا سوب آن مروک آ بھسکاری ءِ ’چاگڑدی نسل کشی‘ گوندنگے و جہانی کہول آ اونا مذمت بایدے کننگے‘ ایرانی صدر پارے کہ جنگ آتا چاگڑدی زہم اسہ ملک اسکان سلپک بلکہ مچ آ ڈیہہ ءِ تینا پلویڑ اٹ ہلیک۔