ولی بڑیچ نا کماشی ٹی الس ءِ ریلیف فراوانی کن غاو دیوان
Get real time updates directly on you device, subscribe now.
لورالائی، کمشنر لورالائی ڈویژن ولی محمد بڑیچ نا کماشی ٹی ضلع موسیٰ خیل اٹی السی ویل آتا ایسری و الس ءِ اوفتا درگہ اسکان ریلیف نا فراوانی کن غاو دیوان اڈ تننگا‘ ہراٹی الس بھلو کچ اسے ٹی بشخ ہلک۔ غاو دیوان اٹی شاریک، زمیندارک، متبر وجتا جا بشخ آتیان تعلقدار بندغ آک بشخ ہلسا تینا ویل و غاو تے دمدستی وڑ اٹ کمشنر نا مون آ پیش کریر۔ غاو دیوان اٹ الس خراب و کچہ انگا روڈ‘ سرکاری ماڑی تا خراب حالیت، کنوئی سفا انگا دیر انا مفننگ‘ آبنوشی نا اسکیم، محکمہ پی ایچ ای، بی اینڈ آر و ایلو محکمہ غاتا کارکڑد تون تعلقدار کیہی غاو تے پیش کریر۔ الس بلوچستان اسپیشل ڈویلپمنٹ انیشی ایٹو (BSDI) پروگرام نا بابت تینا گڑتی تا درشانی ءِ کرے۔