ڈپٹی کمشنر فضل الرحمن کبدانی دکی جیم کلب نا دورہ ءِ کرے

دکی، ڈپٹی کمشنر دکی فضل الرحمن کبدانی دکی جیم کلب نا دورہ ءِ کرے، ہراڑے جیم ٹرینر ایاز خان ترین اودے کلب نا سرجز، دوئی آسراتیو مون تروک ویل آتا بابت جم بریفنگ تس۔ دا وخت آ صدر دکی پریس کلب اللہ نور ناصر ہم اوڑتون اوار ئس۔ ڈپٹی کمشنر جیم کلب نا جتاجتا بشخ آتا دورہ ءِ کرے و ہموڑے ساڑی ورزشی مشینری، ایلو آسراتی و ماڑی نا جم حالیت نا جاچ ءِ ہلک۔ اودے پاننگا کہ جیم کلب اٹی پین آسراتی تا گرج ءِ، ہرافتے ٹی خاص وڑ اٹ ٹریڈمل مشین، ایکسرسائز سائیکل و سی سی ٹی وی کیمرہ غاک اوار ءُ، وخت اس کہ کلب نا ماڑی نا جوڑجاڑ، رنگ و روغن ہم المی ءِ‘ دا وخت آ ڈپٹی کمشنر فضل الرحمن کبدانی پارت کرے کہ جیم کلب نا ماڑی نا المی جوڑجاڑ و بحالی ءِ BSDI فیز فور اٹی اوار کننگ کن پی سی ون تیار کننگے۔