نیاڑی تا رکھ و حق آتیا ہچ ءُ سمجھوتہ اس کننگ پک، میر ضیاء اللہ لانگو

کوئٹہ، وزیر داخلہ بلوچستان میر ضیاء اللہ لانگو پارینے کہ زالبول آتا رکھ و حق آتا بابت ہچ وڑ انا سمجھوتہ کننگپک۔ اسماء جتک و لائبہ ستار نا کیس اٹی دوبہ دار آک اخس کہ اثر و رسوخ تخوک مریر زُوت کانود نا دنگ اٹی مریرہ‘ و لائبہ ستار نا بابت کیس اٹی ہچ وڑ انا ڈیوالئی سگنگ مفک۔ لائبہ ستار کیس انا رد اٹ مقدمہ درج مسنے۔ میر ضیاء اللہ لانگو میڈیا تون ہیت وگپ کرسا پارے کہ خاہوت نا نشاندہی آ 4 دوبہ دار ءِ پن کننگانے، خاہوت نا کنڈ آن عدالت اٹی راضی نامہ غان پد 2 دزگیر بندغ یلہ مسر‘ مقدمہ ٹی پندار ایلو 2 دوبہ دار آتا دزگیری کن چھاپہ خلنگ انگ ءِ۔ روایت آتے لتاڑوک و غیرت آ جلہو کروک درندہ غاک کانود نا دنگ آن بچفگ کپسہ۔ اسماء جتک مرے یا پین کس۔ کل ننا مسڑ و ایڑھ ءُ، حکومت ظالم نا برخلاف مظلوم تون اوار سلوک ءِ۔