شہید آتا بارو اٹ توہین آمیز بیان بھارتی بیانیہ نا شون تننگ اسے،ڈی جی آئی ایس پی آر

راولپنڈی، پاک فوج انا شعبہ تعلقات عامہ (آئی ایس پی آر) نا ڈائریکٹر جنرل لیفٹیننٹ جنرل احمد شریف چوہدری پارینے کہ پاکستانی فوج و کارگل نا شہید آتا بارو اٹ توہین آمیز بیان ترسا بھارتی بیانیہ ءِ شون تننگ انگ ءِ، دا پہہ مننگ آن ایڑتر ءِ کہ کس اس انتئے دن کیک۔ مولانا فضل الرحمان نا شہید آتتون تعلقدار توہین آمیز و نا مناسب بیان آ ڈی جی آئی ایس پی آر سخت ورندی ترسا شہید آتا قوم اکن تروک بے مٹ قربانی تے بیان کرسا پارے کہ شہادت نا فلسفہ و شہید آک فوج اکن مخ آنبار ءُ، پاکستانی فوج و کارگل نا شہید آتا بارو اٹ توہین آمیز بیان ترسا بھارتی بیانیہ ءِ شون تننگ انگ ءِ، دا پہہ مننگ آن ایڑتر ءِ کہ کس اس انتئے دن کیک۔ ڈی جی آئی ایس پی آر پارے کہ پاکستانی فوج ملک انا دفاع کن تینا کل آن نہادی حقِ زند ءِ وطن آ ندر کیرہ، دا پاننگ کہ اسہ بندغ اس بیرہ تنخواہ کن تینا نہادی جان تے ندر کیک تو گڑا نمے آن کس اس دن کننگ کن سنبرینگوک ءِ؟ دا وڑ انا ہیت کننگ ناقابلِ فہم ءِ۔ ڈی جی آئی ایس پی آر پارے کہ پاکستان نا فوج تینا حقِ زند ءِ قوم و ملک انا دفاع کن ندر کننگ کن مدام سنبرینگوک ءِ۔