تاریخ صحافت                         16

ہفت روزہ ”دہلی پنچ“ لاہور:

حسین علی فرحت یکم جون 1880ءاٹی ہفت روزہ ”دہلی پنچ“ نا بنا ءِ کرے، مولوی فضل الدین ءِ اونا زموار جوڑ کرے، 12 پنہ غاتیا تالان دا پرچہ ٹی تینا پن انا رد اٹ بوگ شوگ نوشت مسکہ، بوگ شوگی نوشت آتا سوب آن راجہ صاحب آف فرید کوٹ مولوی فضل الدین آ مقدمہ دائر کرے، ہرانا سوب آن زموار دہلی پنچ ءِ ہزار روپئی نا ڈنڈ انا سزا تننگا۔ ڈنڈ تفننگ آ مسہ تو سزا تخوک ئس، مولوی فضل الدین دا ڈنڈ ءِ تو تس، ولدا تینا اخبار ءِ اول آنبار برجا تخا۔

ہفت روزہ ”آفتاب ہند“ جلندھر:

جلندھر آن منشی برکت علی برکت 1881ءاٹی آفتابِ ہند نا پن اٹ ہفت روزہ اس بنا کرے، منشی سلطان علی صولت دانا انتظامی زموار ئس، آفتابِ ہند اٹ لس ملکی و درملکی حوال آتیان بیدس علمی ادبی نوشت آک ہم شینک مسرہ۔

ہفت روزہ ”شوکت السلام“ حیدرآباد دکن:

جولائی 1881ءاٹی حیدرآباد دکن آن بنا کرے، اوڑان مست دا مدراس آن شینک مسکہ، دانا بنداوی مسخت ریاست حیدرآباد دکن نا ترجمانی ئس،

ہفت روزہ ”طوطی ہند“ میرٹھ:

سید کرار حسین نا سروکی ٹی 1881ءٹی میرٹھ آن ”طوطی ہند“ ہند انا بنا مس، اخبار نا مالک سید محمد مرتضیٰ ئس، پرچہ نا مسخت اٹ دا اوار ئس کہ مسلمان تے شرک و بدعت نا رواج آتیان بچفنگے، اسلامی قدر وروایت آتا زیبائی کن کاریم مرے، داڑان بیدس ملکی و جہانی حالیت آتا زی آ نوشت آتے ہم شینک کریکہ۔

ہفتئی تلار،

تاک26

04 July 2020

پنہ، 7