اے سی گوادر نا برخلاف کارروائی متو تو برانز نا کسر ءِ ہرفنہ، ڈاکٹر مالک بلوچ
Get real time updates directly on you device, subscribe now.
کوئٹہ: نیشنل پارٹی نابنجائی صدر مسکوہی وزیراعلی بلوچستان ڈاکٹر عبدالمالک بلوچ و بنجائی سیکرٹری جنرل جان محمد بلیدی اسک پارینو کہ حکومت بلوچستان نا پاننگ آ اسسٹنٹ کمشنر گوادر پرامن برانز ءِ لتاڑنگ ناکوشست کرے و بنجائی راہشون میر اشرف حسین وایلو کارندہ غاتیا بیداد کرے۔ حکومت زموار کمامدار نا برخلاف کارروائی کتو تو برانز و ایلو کسر تے دوئی کننگ آ بیوس مرینہ۔ اوپاریر کہ نیشنل پارٹی غیرکانودی ماہی گیری و گوادر نا الس ءِ دیر و بجلی نافراوانی کن برانز وہڑتال نا خواست کریسس ولے اسسٹنٹ کمشنر گوادر تینا واکداری تیان جپسا پولیس نا ایریا ٹی نیام تمسا پرامن سیاسی و جمہوری برانزی تیا بیداد کرے ہرانا نن مذمت ءِ کینہ۔ او پاریر کہ بلوچستان اٹ درملکی ٹرالر آتے ماہی گیری نا موکل ترسا بنجائی وصوبائی حکومت بلوچستان نا کرک آ آباد مخلوق آن روزگار نا حق ءِ ہم پلنگ نا کوشست کریر ہرادے نیشنل پارٹی نا کارندہ غاک بے سہب کریر۔
(آن لائن)