الس ءِ آب اٹو طبی آسراتی فراوان کننگ ءِ بایدے اولیت تننگے،یاسراقبال دشتی

کل سرکاری ہسپتال و بنداوی جانجوڑی ہند آتیٹی ڈاکٹر و ایلو طبی کارندہ غاتا حاضری ءِ پک کننگے

0

Get real time updates directly on you device, subscribe now.

تربت، ڈپٹی کمشنر کیچ یاسر اقبال دشتی نا کماشی ٹی ڈسٹرکٹ ہیلتھ کمیٹی نا اہم ءُ دیوان اس اڈ ہلک، ہراٹی ضلع کیچ اٹی محکمہ جانجوڑی نا جم کارکڑد‘ سرکاری ہسپتال و بنداوی جانجوڑی ہند آتے تی طبی آسراتی تا فراوانی، ملازم آتا حاضری، دارو تا فراوانی و غیر حاضر ملازم آتا برخلاف محکمہ ئی کارروائی تا جم جاچ ءِ ہلنگا۔ دیوان اٹی ڈسٹرکٹ ہیلتھ آفیسر کیچ ڈاکٹر عبدالرؤف بلوچ، ایم ایس ٹیچنگ ہسپتال تربت ڈاکٹر وحید بلیدی، ڈائریکٹر پی پی ایچ آئی مکران مرتضیٰ بلوچ، ڈرگ انسپکٹر اکرم بلوچ، خزانہ آفیسر صدام بلوچ تون اوار تعلقدار محکمہ غاتا ایلو افسرآک بشخ ہلکر۔ دیوان اٹ ڈسٹرکٹ ہیلتھ آفیسر کیچ ڈاکٹر عبدالرؤف بلوچ مچ آ ضلع ٹی محکمہ جانجوڑی ناکارکڑد‘ جانجوڑی نا جتا جتا ہند آتے ٹی طبی آسراتی تا فراوانی، ملازم آتا حاضری و غیر حاضر ملازم آتا تنخواہ تے کاٹ کننگ تون اوار ایلو انتظامی باندات آتا رد اٹ ڈپٹی کمشنر کیچ ءِ بریفنگ تس۔ ڈپٹی کمشنر کیچ یاسر اقبال دشتی دیوان آن تران کرسا محکمہ جانجوڑی نا افسر آتیا زور شاغا کہ الس ءِ آب اٹو طبی آسراتی تا فراوانی بایدے اولیکو اولیت مر۔ اوپارت کرے کہ کل سرکاری ہسپتال و بنداوی جانجوڑی ہند آتے ٹی ڈاکٹر و ایلو طبی کارندہ غاتا حاضری ءِ پک کننگے، غیر حاضر ملازم آتا برخلاف قاعدہ و ضابطہ نا رِد اٹ کارروائی کننگے ودارو تا فراوانی و شفاف بشخ وپانٹ کننگ آ خصوصی چکار کننگے‘ او مستی پارے کہ جانجوڑی نا بشخ دراست السی آسودہی و آسراتی تون گنڈوک ءِ‘ ہندا سوب آن ہچ وڑ انا ڈیوالئی و بے پرواہی سگنگ مفک۔ کل تعلقدار افسرآک تینا زمواری تے جوان وڑ اٹ سر ایترو الس ءِ جانجوڑی نا گچین آسراتی تا فراوانی کن تین پہ تینی رابطہ و بھرمی چاروکی نا نظام ءِ پین فعال کیر۔

Get real time updates directly on you device, subscribe now.

Leave A Reply

Your email address will not be published.