مگہ عمران خان تون ناراض بلوچ آتتون ہیت انا واکداری ارے، نواب رئیسانی

0

Get real time updates directly on you device, subscribe now.

کوئٹہ: مسکوہی وزیراعلیٰ بلوچستان وچیف آف ساراوان نواب محمد اسلم رئیسانی سوج کرینے کہ مگہ عمران خان تون داخس واکداری ارے کہ او ناراض بلوچ آتتون مذاکرات کننگ کے، ساڑی سلیکٹڈ بنجائی و صوبائی حکومت آتیان فیڈریشن ءِ گڑتیک مون تروک ءُ، خان آف قلات و محمد علی جناح نا دستخط مروک ریاست قلات نا پاکستان تون الحاق نا معاہدہ غا عملدرآمد کننگے، خیبر پشتونخوا و بلوچستان نا حالیت آک ول ویچڑ ءُ، فیڈریشن ءِ نسخان رسیفنگ آن خانہ جنگی نا گمان ءِ۔ حقی سیاسی جماعت و مقتدارہ ءِ دا کنڈ آ چکارکروئی تمک۔ اسلامی ریاست اٹی کل غیرمسلم اقلیت آتے عقیدہ، مذہب، جان و مال و عزت و آبرو نا رکھ انا ضمانت دوئی مریک۔ اوفک انسانی بنداو آ شاری آجوئی و بنیداوی حق آتیٹی مسلمان تتون بریبر مریرہ۔ داہیت آتے او اسہ انٹرویو اسے ٹی و راجی رابطہ نا ویب سائٹ ٹویٹر آ تینا کلہو اسے ٹی کرے۔ مسکوہی وزیراعلیٰ بلوچستان نواب محمد اسلم رئیسانی راجی رابطہ نا ویب سائٹ ٹویٹر آ تینا کلہو اٹی پارے کہ خان قلات و محمد علی جناح نا دستخط مروک ریاست قلات نا پاکستان تون الحاق نا معاہدہغا عمل کننگے۔ او پار کہ اسلامی ریاست اٹی کل غیرمسلم اقلیت آتے عقیدہ، مذہب، جان و مال و عزت و آبرو نا رکھ انا ضمانت دوئی مریک۔ کانود کن کل اتون اسہ وڑ پیش بننگک۔ اسلامی جمہوریہ ٹی ہم بایدے ہندا مرے۔ او پارے کہ مش تیا ہنوک بلوچ آک تینا تاریخی حق آتا دوئی کننگ کن جہد کننگ اٹی ءُ۔ مگہ جائی عمران خان تون ہنداخس واکداری ارے کہ او ناراض بلوچ آتتون مذاکرات کننگ کے؟ اسٹبیلشمنٹ نا جاگہ غا قبائلی رواج نا کمک اٹ بلوچ آتتون مذاکرات مننگ کیک، ساڑی بنجائی و بلوچستان حکومت اسٹیبلشمنٹ نا سلیکٹ کروک بیٹ کروک بندغ آتا ءِ، ہرافتا غلط پالیسی تا سوب آن فیڈریشن ءِ بھاز آ گڑتیک مون تروک ءُ، فیڈریشن ءِ بچفنگ کن کل ءِ سیوت کرسا کڑڈ ادا کروئی تمک۔

(آن لائن)

Get real time updates directly on you device, subscribe now.

Leave A Reply

Your email address will not be published.