واقعہ ابراہیؑم نا تُغ و حضرت اسماعیؑل نا قربانی    (سیرت سرور کائناتؐ 12)

لُمّہ او دے شان اسے اٹ دُن پدا رخصت کرے

نئے کہ اوغا نئے کہ پِٹّا نئے کہ او منت کرے

چِٹ و پُچّ اس اوڑتون کتّار مار اتون راہی خلیلؑ

رند و رند اٹ اوفتا شیطان رب کیس تے نی زلیل

باوہ مون اٹ مل/ رند اٹ ئسرہ راہی روان

گام تے او ہرفیرہ شوق اٹ خڑک تَمِن منزل آن

شِکل اٹی بندغ نا شیطان اسماعؑیل تون مس اوار

گام خلسا داخہ زُو زُو نی کہنگ کِن مر تیار

پارے باوہ ہُر لعین ءِ داڑ تو پا نی کیو امر

پارے ہفت ژل خل/ اوڑان لگِّر اودے سر بسر

ہفت ژل آک لگار اودے او ہموڑے خل سلیس

چپ تما اسماعؑیل آن او دم آ بِن دُن خبیث

سر کہ مسُر او منیٰ ٹی توسُر پاریر کین سلاہ

مار پارے ای تیار اُٹ انت مرو ءِ پین سلاہ

نتّ تے دُو تے جُوان تفس نی باوہ جان نی اُس بنک

پیر مڑدُ اُس خوار مفیس نی چٹ ہلور نے آ دِترک

مُر ڈکوک ءُ جاگہ اس مسر او راہی روان

باوہ مون اٹ مل/ رند اٹ امتحان اس اے زمان

دادے قربانی نا جوزہ عشق انا اس انتہاء

مار و باوہ نا دا جوزہ ئسکہ اخس سفا

بس لعین شیطان ولدا اسماعؑیل آ مون کرے

ریفو اودے ای نَوا کہ تینے اوڑتون گون کرے

او خُلیفے مرک آن اودے زند ءِ زیبا تِس نشان

پارے داسکان وخت بھاز ءِ تینے کشہ باوہ غان

اسماعؑیل ءِ بس غصہ دے کرے تے ہفت ژل

چَپ تِروک اُس انت کنے نی ایس نے داڑے اجل

مَس شیطان خل سلیسک ہندن مار و باوہ غان

چال آن شیطان نا ہمو تم رب تِس تا دُن امان

ابراؑہیم ولدا تفے جوان نتّ تے دُو تے مار انا

او چَمّیفے جوان ہُرا دُن با ءِ زُو کتّار انا

ہفتئی تلار

تاک: 35

12-18 September 2020

پنہ، 7