سکھر، کٹیا غان زیات میرات کیس، خورشید شاہ غا ڈوہ بیٹ متو

سکھر(آن لائن)سکھر اٹ آمدن آن زیات اثاثہ جات کیس، خورشید شاہ آ ڈوہ ولدا بیٹ مننگ کتو، نیب پراسکیوٹر نا سماعت ملتوی کننگ نا استدعا، نیب عدالت سماعت 18 ستمبر اسکان ملتوی کرے۔ حوال نا رداٹ پاکستان پیپلز پارٹی نا بنجائی راہشون سید خورشید شاہ، اونا ارا مار زیرک شاہ، ایم پی اے فرخ شاہ، داماد صوبائی وزیر اویس قادر شاہ و ارا زئیفہ تون اوار 18 بندغ نا اسہ ارب 23 کروڑ روپئی آن زیات اثاثہ جوڑ کننگ نا دوبہ ٹی نیب نا دائر کروک آ ریفرنس نا سماعت سکھر نا نیب عدالت اٹ مس سماعت آ پیپلزپارٹی راہشون خورشید شاہ ءِ این آئی سی وی ڈی ہسپتال آن ایمبولینس آ عدالت اتنگا، سماعت نا وخت آ صوبائی وزیر اویس قادر شاہ،  ایم پی اے فرخ شاہ و ایلو دوبہ دار آک عدالت اٹ پیش مسر اینو عدالت اٹ خورشیدشاہ تون اوار ایلو دوبہ دار آتیا فرد جرم عائد کروئی ئس ولے سماعت نا بنا غا نیب پراسیکیوٹر عدالت آن استدعا کرے کہ او ناجوڑی نا سوب آن بیدس تیاری آن بسنے و ریفرنس اٹ داسہ پین دوبہ دار آتا پن ءِ اوار کروئی ءِ، ہندا سوب آن اینو نا سماعت ءِ ملتوی کننگک و پُوسکن ءُ تاریخ اس تننگے، عدالت نیب پراسکیوٹر نا خواست آ سماعت 18 ستمبر اسکان ملتوی کننگا یات سلے کہ 18ستمبر نا خورشید شاہ نا دزگیری ءِ ہم سال اس پورو مس۔