شونداری ڈٹ آتا آب آ ہچ سمجھوتہ کننگپک‘چیف سیکرٹری فضیل اصغر
Get real time updates directly on you device, subscribe now.
کوئٹہ (خ ن) چیف سیکرٹری بلوچستان کیپٹن (ر) فضیل اصغر ناکماشی ٹی مالی سال 2020-21 انا پی ایس ڈی پی نا بابت دیوان اڈ ہلک‘ دیوان اٹ شونداری ڈٹ آتا پی سی ون نا تیاری و ڈٹ آتا ڈی ایس سیز، پی ڈی ڈبلیو پی نا جاچ ہلنگا۔چیف سیکرٹری غٹ تعلقدار محکمہ غاتے شونداری ڈٹ آتے پن کروک وخت آ پورو کننگ نا پارت کرے۔ او پارے کہ شونداری ڈٹ آتا آب آ ہچ سمجھوتہ کننگپک و ڈٹ آتا پورو مننگ آن بندغ آتا زند آب اٹ مریک۔ او پارے کہ غٹ شونداری ڈٹ آتیا کاریم ءِ ترند کننگے و صوبہ نا شونداری کن دے ونن خواری کننگے۔ اوپارے کہ وزیراعلی نا پارت آ یخ انگاعلاقہ غاتا شونداری ڈٹ آتیا خاص چکار کننگے تاکہ یخ انا مُد انا بننگ اسکان ہمو علاقہ غاتے ٹی شونداری ڈٹ آتیا زیات کاریم مرے و فنڈ آک ہم زیان مفس۔ او پارت کرے کہ غٹ تعلقدار محکمہ غاک ڈیپارٹمنٹل اسٹیرنگ کمیٹی و پی ڈی ڈبلییو پی زوت کیر و شونداری ڈٹ آتا پی سی ون ءِ ہم زوت تیار کننگ ناپارت کرے تاکہ پن کروک وخت آ شونداری ڈٹ آتا پورو کننگ ءِ پک کننگے۔دا وخت آ ایڈیشنل چیف سیکرٹری عبدالرحمن بزدار دیوان ءِ پی ایس ڈی پی نا بابت جم بریفنگ تس۔