چاگڑدی رکھ و مدامگی شونداری حکومت نا اولیکو اولیت آتیٹی اوار ءِ،نسیم الرحمان خان ملاخیل

کوئٹہ، صوبائی سلاہکار ماحولیات و موسمیاتی تبدیلی نسیم الرحمن خان ملاخیل پارینے کہ ماحولیاتی رکھ و مدامگی شونداری حکومت نا اولیت آتیٹی اوار ءِ‘ صوبہ ءِ مون تروک ماحولیاتی چیلنجز دُنکہ تہو انا کچٹی‘ موسمیاتی بدلی، جنگل آتا کمتی و آبی وسیلہ غاتا زیان تون مون تننگ کن اسہ جامع و گچین حکمت عملی آ عملدرآمد کننگ انگ ءِ۔ دا خیال آتا درشانی ءِ او تینا دفتر اٹی ڈل آتتون ہیت وگپ کرسا کرے۔ او پارے کہ حکومت صنعتی اخراج نا مون ءِ توننگ‘ شجرکاری مہم تے شون تننگ و شاری علاقہ غاتیٹی ماحولیاتی گچینی پوسکنوڑ گام گیج آتا بناءِ کرینے۔ دا رد اٹ تعلقدار ادارہ غاتے پارت کننگانے کہ او ماحولیاتی کانود آتیا سختی اٹ عملدرآمد ءِ پک کیر و خلاف ورزی کروک آتا برخلاف بے فرق کارروائی کننگے۔ صوبائی سلاہکار نسیم الرحمن خان ملاخیل مستی پارے کہ السی اواری آن بیدس ماحولیاتی ہدف تا دوئی کننگ مننگ کپک‘ ہندا سوب آن شاری تیٹی شعور بیدار کننگ کن آگاہی مہم تے ودفنگ انگ ءِ‘ تعلیمی ادارہ، سول سوسائٹی و میڈیا نا کمکاری اٹ چاگڑد دوست وڑ و ڈول ءِ شون تننگک‘ او دا ارادگی نا دوارگی ءِ کرے کہ حکومت بروک آ نسل آتیکن اسہ سفا، سرسوز و رکھوک ءُ چاگڑد اسے نا فراوانی کن وس انا کچ آ گام گیج ءِ برجا تخک و دا مسخت نا دوئی کننگ اٹ ہچ وڑ انا ڈیوالئی سگنگ مفک‘ دا وخت آ ڈل آک صوبائی سلاہکار ءِ تینا تینا علاقہ غاتیٹی مون تروک ویل آتیاں معلومدار کریر۔ صوبائی سلاہکار اوفتا ویل آتا دمدستی ایسری نا باور کرفے۔