سیاسی جماعت آتیٹی شفافیت و پرسجو جمہوریت ءِ سوگو کیک، نائب وزیراعظم اسحاق ڈار

اسلام آباد، نائب وزیراعظم اسحاق ڈار پارینے کہ پاکستان و چین نا اسٹریٹجک کمکاری آ تالان شریداری تین پہ تینی پت‘ شرف و کمکاری آ جوڑ ءِ‘ چائنا کمیونسٹ پارٹی نا الس تون گنڈوک سلنگ نا ماڈل نا رند ءِ دننگ مریک‘ چین نا شونداری ٹی جماعت سازی و جند پرسجوئی نا اہم کڑد ءِ‘ چین نا کمیونسٹ پارٹی نا وزیر لیو ہائی شینگ تون اوار تران کرسا نائب وزیراعظم اسحاق ڈار پارے کہ دورہ پاکستان آ چینی وزیر ءِ بخیر اٹ پانہ، چینی صدر شی جن پنگ نا بصیرت والا سرکڑدہی نا ستاءِ کینہ، پاکستان و چین سفارتی تعلقداری تا 75 می سال دے ءِ اڈ تننگ اٹی ءُ۔ اسحاق ڈار پارے کہ چینی کمیونسٹ پارٹی تینا تاسیس نا 105 می سال دے ءِ اڈ تننگ اٹی ءِ‘ صدر شی نا کماشی ٹی چین الس دوست حکمرانی نا کمک اٹ قومی احیا نا سفر ءِ پک کرے، پاکستان و چین نیامی دے ٹک اٹی امن نا بحالی کن فائیو پوائنٹ پیس انیشی ایٹو نا بناءِ کریر۔ نائب وزیراعظم مستی پارے کہ چین پاکستان سیاسی پارٹیز نا فورم و سی پیک جوائنٹ کنسلٹیشن میکانزم اہم پلیٹ فارم ءُ، چین کروڑ آ بندغ آتے غریبی آن کشا، ہرا جہانی کہول آ اسہ تاریخی ءُ شریداری اسے، پاکستان و چین اسٹریٹجک کمکاری آ تالان شریداری تین پہ تینی پت‘ شرف و کمکاری آ سلوک ءِ‘ او پارے کہ چین و پاکستان نا سیاسی پارٹی تا نیام اٹی کمکاری جوڑءِ‘ پاکستان و چین نا نیام اٹی سیاسی سلابت نا میکانزم ساڑی ءِ‘ اسہ ایلو نا آزموندہ غاتیان فائدہ ہرفنگ نا ریسہ ءِ برجا تخنگک، چین اتون شریداری ءِ پین سوگو جوڑ کننگ کن سنبرینگوک اُن۔ اسحاق ڈار پارے کہ سی پیک سیاسی جماعت آتا اسیجائی سلابتی میکانزم نا رد اٹ پین سوگو مریک، پاکستان و چین نا سنگتی ہمالیہ غان بڑز و سمندر آن کڑمب ءِ‘ الس نا آسودہی و پارٹی نا اصل روح آ چکار کننگ شی جن پنگ سوچ انا بنداوی ٹک ءِ‘ او پارے کہ چین نا شونداری ٹی پارٹی بلڈنگ و جند پرسجوئی نا اہم کڑد ءِ‘ چین کمیونسٹ پارٹی نا الس تون گنڈوک مننگ نا ماڈل نا رند ءِ دننگ مریک‘ سیاسی جماعت آتیٹی شفافیت و پرسجو جمہوریت ءِ سوگو کیک، پاک چین آل ویدر اسٹریٹجک پارٹنرشپ ڈیہہ اٹی سوگوی نا ضمانت ءِ۔