ٹریڈ ڈویلپمنٹ اتھارٹی نا کنڈ آن اِرا دے ئی کاروباری نمائش

کوئٹہ، ٹریڈ ڈویلپمنٹ اتھارٹی آف پاکستان (TDAP) نا کنڈآن حکومت بلوچستان، ضلعی انتظامیہ کوئٹہ و بلوچستان بورڈ آف انویسٹمنٹ نا اسیجائی کمکاری اٹ اڈ ہلوک اِرا دے ئی کاروباری نمائش ”ویکسنیٹ (WEXNET)“ سرسہبی اٹ اڈ ہلک، ہراٹی مچ ملک آن تعلقدارزالبول کاروباری شخصیت، صنعت کار، ہنرمند نیاڑی و زند انا جاجتا بشخ آتیان تعلقدار نمائندہ غاک بشخ ہلکر۔ نمائش اٹی 100 آن زیات اسٹال خلنگاسس‘ ہرافتے ٹی زالبول آتا جوڑ کروک مصنوعات، دستکاری، ہندی ہنر، کاروباری مصنوعات و جتا جتا واپاری بشخ آتیاں تعلقدار گڑاتے نمائش کن پیش کننگا۔ دا وخت آ زالبول آتے تینا کاروباری لائخی تا درشانی، مصنوعات نا تشہیر، واپاری رابطہ غاتا شون تننگ و پوسکن آ کاروباری کسر تا پٹ و پول کننگ نا وارخواہیک فراوان کننگار۔