بنجائی واپار وزیر جام کمال خان استنبول آ سرمس
Get real time updates directly on you device, subscribe now.
استنبول، بنجائی وزیر واپار جام کمال خان اسلامی کمکار تنظیم (او آئی سی) نا اقتصادی وواپاری کمکاری نا قائمہ کمیٹی (کومسیک) نا 42 می دیوان اٹی بشخ ہلنگ کن استنبول آ سرمس۔ استنبول ایئر پورٹ آ سرمننگ آ پاکستان نا قونصل جنرل خواجہ خرم نعیم بنجائی وزیر ءِ بخیرکرے۔ بنجائی وزیر واپار کومسیک نا دیوان اٹی پاکستان نا نمائندگی ءِ کیک و تینا سرکاری دورہ ٹی کومسیک نا وزارتی دیوان تیٹی بشخ ہلیک وخت اس کہ ترکیہ، سعودی عرب و مصر انا اہم منصب وزیرخارجہ غاتتون اوڑدہی ہم کیک۔ دا اوڑدہی تیٹی واپاری تعلقداری تے پین سوگو کننگ، منڈی تسکان رسینگ ءِ ودفنگ و اقتصادی کمکاری نا پوسکن وارخواہی پٹنگ نا بابت باندات آ گپ وتران کننگک۔ کومسیک نا 42 می دیوان اسلامی کمکار تنظیم نا باسک ملک آتا نیام اٹ اقتصادی کمکاری ءِ مونی دننگ، باسک ملک آتا نیام اٹ واپار اٹی ودکی، پرائیویٹ بشخ انا اواری ءِ ودفنگ و برآمد آتا مونی دننگ کن گچین واپاری مالیاتی نظام اس جوڑ کننگ آ چکار کیک۔ بنجائی وزیر نا دی اسٹینڈنگ کمیٹی فاراکنامک اینڈ کمرشل کواپریشن آف دی آرگنائزیشن آف اسلامی کواپریشن نا دیوان اٹی بشخ اسلامی کمکار تنظیم نا باسک ملک آتتون اقتصادی شریداری تے ودفنگ، علاقائی واپاری رابطہ غاتے سوگو کننگ و تین پہ تینی فائدہ غاتیا تالان کمکاری نا مونی دننگ کن پاکستان نا ارادگی نا ڈیک ءِ۔