مچ آ ملک اٹی پولیو تور مہم نا بنا‘ 8 نومبر اسکان برجاسلک
Get real time updates directly on you device, subscribe now.
اسلام آباد، مچ آملک اٹی پولیو تور مہم بناکرینے، ہرا 8 نومبر اسکان برجا سلک۔ نیشنل ایمرجنسی آپریشنز سینٹر (این ای او سی) نا رداٹ مہم نا وخت آ ملک انا 97 گچین کروک ضلع غاتیٹی پنچ سال آن کم وئی انا چناتے پولیو آن بچفنگ نا پُڑی کنفنگک۔ این ای او سی نا رداٹ مہم نا وخت آ 2 لکھ آن زیات ہیلکار فرنٹ لائن ورکرآک ہراُراغا ہنسا چناتے پولیو نا ویکسین کنفرہ۔ دا مہم نا رداٹ پنچ سال آن کم وئی انا کم و ود 2 کروڈ 40 لکھ چناتے پولیو آن بچفنگ نا پُڑی کنفنگ نا ہدف پک کننگانے۔ این ای او سی لمہ و باوہ غاتیان خواست کرینے کہ او نومبر نا پولیو تور مہم اٹی تینا پنچ سال آن کم وئی انا ہرچناءِ پولیو آن بچفنگ نا پُڑی المی کنفر و و پولیو ٹیم تتون کمک کیر۔ این ای او سی نا رداٹ چناتے وار وار آ پولیو ویکسین کُنفنگ آن اوفتا جسم اٹ پولیو دین نا برخلاف قوت مدافعت سوگو مریک۔ لمہ و باوہ غاتا زمواری ءِ کہ او مہم اٹی تینا چناتا ویکسی نیشن ءِ پک کیر تانکہ پاکستان ءِ پولیو آن پاک جوڑ کننگ نا کوشست آتے سرسہب کننگ مرے۔