صحافی تا رکھ ریاست و راج انا اسیجائی زمواری ءِ‘بلاول بھٹو زرداری

اسلام آباد، پاکستان پیپلز پارٹی نا چیئرمین بلاول بھٹو زرداری صحافی تا برخلاف ڈوہ تا چٹفنگ نا جہانی دے انا وخت آ تینا کلہو اٹی پارینے کہ صحافی تے دھڑکو‘ بیداد، تنک کننگ و خلنگ کون آ بھلا ڈوہ تیان رکھوک تخنگ ریاست و راج انا اسیجائی زمواری ءِ‘ صحافی تا برخلاف ڈوہ تیا چپ سلنگ راستکی و انصاف نا توار ءِ توننگ نا بریبر ءِ۔ بلاول بھٹو زرداری پارے کہ صحافیک الس اسکان راستکی تے رسیفنگ، واکدار ایوان تا پرسجو کننگ و راج اٹی شعور و آگاہی ودی کننگ اٹی بنداوی کڑد ادا کیرہ۔ صحافی تا برخلاف ڈوہ تا زموار آتا کانود آن بچنگ صحافت نا آجوئی‘ جمہوریت و کانود نا حکمرانی کن بھلو خطرہ اسے‘ او پارے کہ 1973ء نا امنائی آئین ہر شاری ءِ آجو سلاہ درشانی نا بنداوی حق ایتک۔