امریکی ریاست فلوریڈا اٹی جہاز تمسا بھس مس، 9 بندغ زوال
Get real time updates directly on you device, subscribe now.
نیویارک، امریکی ریاست فلوریڈا نا ہنکینی علاقہ ٹی پرائیویٹ کمپنی نا جہاز تمسا بھس مننگ نا سوب آن اوٹی سوار کل 9 بندغ زوال مسر۔ کمامدار آک شکست نا جاست پاست ءِ بنا کرینو برطانوی اخبار دی گارڈین نا رِد اٹ شکست صدر ٹرمپ نا ہنکین مارالاگو آن کم و ود 7 میل مُر پیش بس، تمنگ آن پد جہاز اٹی خاخر لگا۔ امریکی وزیرِ ٹرانسپورٹ سین ڈفی سوشل میڈیا غا جاری بیان اٹی شکست ءِ پک کرسا اودے اسہ گڑیفوک ءُ سانحہ اس گوندا۔ امریکی فیڈرل ایوی ایشن ایڈمنسٹریشن (ایف اے اے) نا رِد اٹ 20 لکھ ڈالر مالیت نا لیئر جیٹ 60 پنی آ جہاز ٹیکساس نا آسٹن برگسٹروم انٹرنیشنل ایئرپورٹ آن بال کریسس و اونا منزل بہاماس ئس۔