پاکستان و بنگلہ دیش صنعتی و اقتصادی کمکاری ءِ ودفنگ آ امنا

اسلام آباد، پاکستان و بنگلہ دیش صنعتی شونداری، زرکاری، برآمد اٹی ودکی و پوسکنوڑ ٹیکنالوجی نا بشخ آتیٹی ہڑتوم آکنڈآن کمکاری ءِ پین ودفنگ آ امنا کرینو‘ وخت اس کہ سولر ٹیکنالوجی، بیٹری مینوفیکچرنگ، الیکٹرک وہیکلز و صنعتی پیداوار اٹی اسیجائی ڈٹ آتا گمان تا جاچ ءِ ہلنگانے۔ وزیراعظم نا سلاہکار صنعت و پیداوار ہارون اختر خان پارینے کہ ہڑتوم آ ملک آک صنعتی کمکاری، ٹیکنالوجی نا گدریفنگ و و مصنوعات اٹی ویلیو ایڈیشن نا کمک اٹ تین پہ تینی اقتصادی فائدغاتے دوئی کننگ کیرہ۔ حوال نا رِد اٹ وزیراعظم نا سلاہکار صنعت و پیداوار ہارون اختر خان تون بنگلہ دیش نا وزیر خزانہ و ڈٹ بندی راشد الحمود تیتومیر ڈل اتون اوار اوڑدہی کرے۔ اوڑدہی ٹی پاکستان و بنگلہ دیش نا ایلمی تعلقداری‘ صنعتی کمکاری، واپاری رابطہ غاتا شون تننگ، برآمد آتے ٹی ودکی و تین پہ تینی اقتصادی شریداری نا کیہی پہلو تیا گپ وتران کننگا۔