سیف سٹی پراجیکٹ نا ریسہ غاتے زُوت پورو کننگے، عرفان اللہ خان

سیوی، کمشنر سیوی ڈویژن عرفان اللہ خان محکمہ انفارمیشن ٹیکنالوجی سیوی ڈویژن نا کارکڑد و برجا گام گیج آتا بابت بریفنگ ہلک۔ دا وخت آ ڈویژنل آئی ٹی افسر عمران لاشاری محکمہ نا کارکڑد، برجا ڈٹ و ڈیجیٹل آسراتی تا بابت جم بریفنگ تس، وخت اس کہ ڈسٹرکٹ آئی ٹی آفیسر سید عاصم شاہ سمیت ایلو تعلقدار افسر آک ہم ساڑی ئسر۔ ڈویژنل آئی ٹی آفیسر بریفنگ ترسا پارے کہ سیف سٹی پراجیکٹ نا رد اٹ کنٹرول روم نا تفنگ پورو مسنے، وخت اس کہ ڈٹ انا ایلو ریسہ غاتیا کاریم برجا ءِ۔ کمشنر سیوی ڈویژن عرفان اللہ خان پارت کرے کہ سیف سٹی پراجیکٹ نا سلوک ریسہ غاتے زوت پورو کننگے تاکہ ڈٹ ءِ پورو وڑ اٹ فعال جوڑ کننگ مرے۔