نہاد کاغد نا خلاف ورزی ءِ ہچ گہس سگپنہ، بہادرخان بنگلزئی

سیوی، اسسٹنٹ کمشنر بختیار آباد میر بہادر خان بنگلزئی نا کماشی ٹی پرائس کنٹرول کمیٹی نا دیوان اڈ ہلک، ہراٹی انجمن تاجران، پال و ڈہی بہا کروک، چنکا بھلا و ککڑ نا سو بہا کروک، ایلو پوریاگر و تعلقدار محکمہ غاتا افسر آک بشخ ہلکر۔ دیوان اٹی کنشت نا گڑا تا نہاد، سرکاری نہاد کاغد آ عملدرآمد و الس ءِ ہڑدے ئی کاریم نا المی گڑاتے جوان نہاد آ فراوان کننگ تون تعلقدار باندات آتا جم جاچ ءِ ہلنگا۔ دا وخت آ اسسٹنٹ کمشنر پارے کہ ڈپٹی کمشنر سیوی میجر (ر) الیاس کبزئی نا پارت آتا رد اٹ بازار تیٹی نہاد آتا چاروکی ءِ جوان جوڑ کننگ کن ہڑدے ئی بنداو آ نہاد آتے چیک کننگک و جتا مارکیٹ و دکان تا باقاعدہ دورہ کننگک۔