الس ءِ ریلیف فراوانی ءِ ضلعی انتظامیہ اولیت ایتک، مہراللہ بادینی

کوئٹہ، ڈپٹی کمشنر کوئٹہ مہراللہ بادینی نا کماشی ٹی شار اٹی نُت انا ودوک آ نہاد و الس ءِ ریلیف فراوان کننگ نا بابت دیوان اس اڈ ہلک، ہراٹی ایڈیشنل ڈپٹی کمشنر (جنرل) محمد انور کاکڑ، محکمہ کنشت و محکمہ صنعت نا افسر آک بشخ ہلکر۔ دیوان اٹی نُت انا ساڑی نہاد، مارکیٹ نا حالیت و الس ءِ جوان نہاد آتیا نُت نا فراوانی تون تعلقدار چندی باندات آتا جم جاچ ءِ ہلنگا۔ کل آزموندہ و سلابت آن پد فیصلہ کننگا کہ محکمہ کنشت ہر ہفتہ نُت انا سرکاری نہاد لڑ شین ایتک ہراڑا امر کہ مرے عملدرآمد ءِ پک کننگک۔ ڈپٹی کمشنر کوئٹہ مہراللہ بادینی پیدوار کرے کہ الس ءِ ریلیف فراوان کننگ ضلعی انتظامیہ نا اولیکو اولیت ءِ۔ نُت انا نہاد آتیٹی تینا خود آن کروک آ ودکی و ناروا کٹیا کاری ہچ گہس سگنگ مفک۔