پاکستان داسہ زرگزرانی سوگوی آن زرگزرانی شون نا کنڈ آ سفر کننگ اٹی ءِ‘ محمد اورنگزیب
Get real time updates directly on you device, subscribe now.
بنجائی وزیرِ خزانہ سینیٹر محمد اورنگزیب پارینے کہ پاکستان داسہ زرگزرانی سوگوی آن زرگزرانی شون نا کنڈ آ سفر کننگ اٹی ءِ‘ دا حالیت آتے ٹی برانز و دھرنا تیان زرگزران ءِ ہڑدے 120 ارب روپئی نا نسخان مریک۔ میڈیا تون ہیت و گپ کرسا سینیٹر محمد اورنگزیب پارے کہ درملکی زرکوڑی تا کچ ملکی تاریخ نا کل آن بڑزکو کہول آ سر مسنے، ننا کرنٹ اکاؤنٹ سرپلس ءِ‘ زرراہی تس اٹی ہم پدریسہ ودکی مننگ اٹی ءِ و و ننا سفر زرگزرانی سوگوی آن زرگزرانی شون نا کنڈ آ برجا ءِ۔ محمد اورنگزیب پارے کہ بدبختی اٹ نیامی دے ٹک نا حالیت آتیان کل زہمی مننگ اٹی ءُ، نیامی دے ٹک نا حالیت آک جہانی واپاری کن بھلا چیلنج آتا سوب ءُ، سپلائی چین اٹی اڑاند، فریٹ و انشورنس نا خڑچ آتیٹی ودکی جہانی واپاری ءِ زہمی کننگ اٹی ءِ۔ او پارے کہ ساڑی حالیت آتیٹی مارچ، ہڑتال و دھرنا تا ہیت آک سمجھ آن ایڑتر ءُ، مارچ، دھرنا و ہڑتال آتیان زرگزرانی شون نا سفر زہمی مننگ کیک، برانز و دھرنا تیان زرگزران ءِ ہڑدے 120 ارب روپئی نا نسخان مریک۔