اسلام آباد بالی پٹ آ پوسکن اسٹیٹ لاؤنج جوڑ کننگ نا بنداو تخنگا،خواجہ محمد آصف
ڈٹ ملک انا بالی پٹ آتیا مہمانداری و پروٹوکول نا انفراسٹرکچر ءِ پوسکن آ وڑتیا کننگ نا قومی حکمت عملی نا بشخ ءِ
Get real time updates directly on you device, subscribe now.
اسلام آباد، اسلام آباد انٹرنیشنل بالی پٹ آ بروک آ درملکی ملک آتا سروک و جہانی ڈل آتے جہانی آب انا پروٹوکول آسراتی فراوان کننگ کن پوسکن اسٹیٹ لاؤنج نا جوڑ کننگ نا باقاعدہ بنداو ءِ تخنگانے۔ پاکستان ایئرپورٹس اتھارٹی (پی اے اے) نا رداٹ بنجائی وزیر دفاع خواجہ محمد آصف اسہ شرفمند ءُ دود اسے ٹی پوسکن اسٹیٹ لاؤنج نا بنداو ءِ تخا و یات گاری تختی نا نقاب کشائی ءِ کرے۔ داوخت آ وزیردفاع بالی پٹ انا دنگ اٹی شجرکاری مہم نا رداٹ نیال اس ہم خلک۔ دود اٹی سیکرٹری دفاع لیفٹیننٹ جنرل (ر) محمد علی و ڈائریکٹر جنرل پاکستان ایئرپورٹس اتھارٹی ایئروائس مارشل شاہد افضال تون اوار وزارت دفاع و پی اے اے نا بڑزکو کمامدارآک بشخ ہلکر۔ پاکستان ایئرپورٹس اتھارٹی پارینے کہ پوسکن آ اسٹیٹ لاؤنج پاکستان نا کنڈآن شنگھائی کمکار تنظیم (ایس سی او) سروکی دیوان 2027ء نا تیاری تا رد اٹ اسہ اہم پیشرفت اسے۔ دا ڈٹ ملک انا بالی پٹ آتیا مہمانداری و پروٹوکول نا انفراسٹرکچر ءِ پوسکن آ وڑتیا کننگ نا قومی حکمت عملی نا بشخ ءِ۔ پی اے اے نا رداٹ پوسکن آ اسٹیٹ لاؤنج نا پوروی آن بنجائی دارالحکومت اٹی جہانی جہاز آتیان بروک آ شرفمند آ درملکی مہمان، سرکاری ڈل و ملک آتا سروک آتے جہانی آب انا پروٹوکول و لاؤنج نا آسراتی دُوبریک، ہراڑان بالی پٹ آریاستی مہمانداری نا بست وبند آک پین گچین و سوگو مریرہ۔