جہانی برادری جنگ انا جاگہ غا مذاکرات اٹ جھیڑہ غاتے ایسر کے‘ بلاول بھٹو

اسلام آباد، پاکستان پیپلز پارٹی نا چیئرمین بلاول بھٹو زرداری جہانی امن نا دے انا وخت آ پارینے کہ جہانی برادری پرامن دنیا نا بنداو ءِ مذاکرات‘ سفارت کاری، انصاف و ریاست تا وتواجہی نا شرف آ تخے، دنیا نا جتا علاقہ غاتیٹی برجا جھیڑہ غاک پک کرینو کہ عسکری پڑ سیاسی جھیڑہ غاتا مدامگی ایسر اف۔ بلاول بھٹو زرداری پارے کہ جہانی برادری جنگ انا جاگہ غا مذاکرات نا کمک اٹ جھیڑہ غاتا ایسری نا کسر ءِ ہرفے۔ پاکستان ایران و امریکہ نا نیام اٹی مذاکرات نا کسر ءِ آوار کرسا امن نا ارادگی نا عملی درشانی ءِ کرے وخت اس کہ ایران و امریکہ نا نیام اٹی اسلام آباد مفاہمتی یادداشت پک کرے کہ جنگ آن مذاکرات جوان ءِ و جھیڑہ غان سفارت کاری زیات واکدار ءِ‘ او پارے کہ پاکستان ءِ تینٹ جنگ، دہشت گردی و ڈیہہ اٹ بے ایمنی نا سوب آن بھاز نسخان مسنے۔