دہشت گردی نا ماس کش کننگ اسکان آرام اٹ تولپنہ‘ عطاء اللہ تارڑ

کوہاٹ، بنجائی وزیر حوالکاری وشینکاری عطاء اللہ تارڑ پارینے کہ اینو کوہاٹ نا فضا ماتنی ءِ‘ ڈغار نا بہادر آ ورناک ملکی دفاع کن جان تے ندر کریر۔ سی ایم ایچ کوہاٹ اٹی درمان مروک ٹھپی ورناتا جوزہ ننا حوصلہ غاتے ودفے۔ دہشت گردی ءِ ماس کش کننگ اسکان آرام اٹ تولپنہ۔ کوہاٹ نا است ہسون واقعہ نا وخت آ وزیراعلیٰ خیبرپختونخوا سہیل آفریدی ہراڑے ئس؟ ورکر آتیان تران و میڈیا تون ہیت و گپ کرسا بنجائی وزیر حوالکاری و شینکاری عطاء اللہ تارڑ پارے کہ اینو کوہاٹ نا چاگڑد ماتنی ءِ‘ ڈغار نا بہادر آ ورناک ملکی دفاع کن جان تے ندر کریر۔ سی ایم ایچ کوہاٹ اٹی درمان مروک ٹھپی ورناتا حوصلہ غاک بھاز سوگو ئسر۔ فوج و پولیس نا ورنا و افسر آک بہادری اٹ آپریشن اٹی بشخ ہلکر۔