پاکستان و روس انا وڈی خوری و منی لانڈرنگ نا برخلاف کمک نا معاہدہ
Get real time updates directly on you device, subscribe now.
ماسکو، پاکستان و روس وڈی خوری و منی لانڈرنگ نا توننگ کن اسیجائی کمکاری ءِ باقاعدہ دروشم تننگ نا پڑو کرینو۔ دا مسخت کن قومی احتساب بیورو (نیب) و روس انا پراسیکیوٹر جنرل نا دفتر نا نیام اٹی مفاہمت نا یادداشت آ دستخط کننگا۔ معاہدہ غا چیئرمین نیب لیفٹیننٹ جنرل (ر) نذیر احمد و روس انا پراسیکیوٹر جنرل الیگزینڈر ولادیمیرووچ گوتسان ماسکو ٹی دستخط کریر۔ دا پیشرفت ءِ ہڑتوم آ ملک آتا پرسجوئی ادارہ غاتا نیام اٹی ادارہ ئی رابطہ و مالی ڈوہ تا برخلاف اسیجائی کارروائی تیٹی اہم گام گیج اس گوندنگ انگ ءِ‘ مفاہمت نا یادداشت نا رد اٹ ہڑتوم آ ملک آک وڈی خوری و منی لانڈرنگ نا توننگ کن تینا آزموندہ‘ چاہنداری و بھرمی کاریمی وڑ و ڈول تا ہل وتس کیرہ۔