پاک فوج و تاجکستان آرمی نا اسیجائی مشق آک چٹار، آئی ایس پی آر
Get real time updates directly on you device, subscribe now.
راولپنڈی، پاکستان و تاجکستان نا فوج آتا نیام اٹ دہشت گردی تور انا ہڑتوم آ کنڈآتا اسیجائی مشق آتا مسٹمیکو ایڈیشن ”دوستی تھری“ اسپیشل آپریشنز اسکول چراٹ اٹی ایسر مسنے۔ دامشق آک 26 اکتوبر 2026ء آ بنا کریسس۔ پاک فوج انا شعبہ تعلقات عامہ (آئی ایس پی آر) نا رداٹ مشق آتا بنداوی مسخت دہشت گردی تور انا آزموندہ غاتا گپ وتران‘ آپریشنل ڈرلز و وڑوڈول ءِ پین گچین جوڑ کننگ وخت اس کہ تین پہ تینی ہیل کننگ نا عمل و گچین کسبی وڑوڈول آتا ہن وبر نا کمک اٹ جنگی لائخی تے مونی اتنگ ئس۔ آئی ایس پی آر نا پاننگ ءِ کہ دامشق آک پاکستان و تاجکستان نا نیام اٹ متکن آ فوجی کمکاری نا درشانی ءِ کیک و ہڑتوم آ کنڈآتا دفاعی تعلقداری تے پین سوگو کننگ کن ہڑتوم آملک آتا نزور مفروک ارادگی نا درشانی ہم ارے۔