قلاٹ نا خڑک آ قومی شاہراہ (N-25) آ سیکورٹی فورس آتا سرسہب کارروائی آ وزیراعلیٰ سرفراز بگٹی نا خراجِ تحسین
Get real time updates directly on you device, subscribe now.
وزیراعلیٰ بلوچستان میر سرفراز بگٹی قلاٹ نا خڑک آ ہائی وے (چمن۔کراچی، N-25) آ دہشت گرد آتا برخلاف سیکورٹی فورس آتا سرسہب کارروائی آ است جمی نا درشانی ءِ کرسا سیکورٹی فورس آتے خراجِ تحسین پیش کرینے، وزیراعلیٰ پارے کہ سیکورٹی فورس آک وخت آ و بھرمی کارروائی کرسا پنچ دہشت گرد ءِ خلکر و دہشت گرد آتا ہند آن 23 برمتہ مروک بندغ ءِ رکھی وڑ اٹ پدی ایسر۔ ہرا سیکورٹی فورس آتاکسبی واکداری و وخت آ ردِ عمل نا شاہدی ءِ‘ میر سرفراز بگٹی پارے کہ دہشت گرد آتا کنڈ آن قومی شاہراہ غا الس نا پرامن ہن وبر ءِ زہمی کننگ، تاوان کن برمتہ‘ بھتہ خوری و گاڈی تا پلنگ نا پراگندہ کوشست ءِ سیکورٹی فورس آک وخت آ کارروائی اٹ بے سہب کریر۔ وزیراعلیٰ دہشت گرد آتا ہند آن شش ٹرک، مسہ بس و اِرا گاڈی تتون اوار بھلو کچ اسے ٹی سلہہ، منچر‘ بمب جوڑ کروک گڑا کننگ آ ہم سیکورٹی فورس آتا کسبی واکداری تاستاءِ کرے۔