پاکستان حرمین الشریفین نا دفاع کن ہر وڑ انا گام ہرفنگ کن سنبرینگوک ءِ،ڈی جی آئی ایس پی آر

راولپنڈی، ڈی جی آئی ایس پی آر لیفٹیننٹ جنرل احمد شریف چوہدری سخت موقف تینائی کرسا پارینے کہ پاکستان سعودی عرب تون سفارتی و عملی وڑ اٹ پورو وڑ اٹ سلوک ءِ، و حرمین الشریفین نا دفاع کن ہر وڑ انا گام گیج کننگک۔ عرب نیوز ءِ انٹرویو ترسا ڈی جی آئی ایس پی آر لیفٹیننٹ جنرل احمد شریف چوہدری پیدوار کرے کہ پاکستان سعودی عرب تون سفارتی و عملی وڑ اٹ پورو سلوک ءِ و اونا ارادگی مکہ مکرمہ و مدینہ منورہ تون اوار ہڑتوم آ مقدس آ ہند آتا رکھ اسکان تالان ءِ، وخت اس کہ نن بھاز مونی ہم کانہ و سعودی عرب ءِ ہر وڑ انا بیدادی نا برخلاف دفاع فراوان کننگک‘ سعودی سلامتی کن پاکستان نا ارادگی بے شڑت آن ءِ و ہڑتوم آ ملک آتا الس، فوج و سرکڑدہ غاتا نیام اٹی تاریخی تعلقداریک دانا بنداو ءُ۔ او مستی پارے کہ پاکستان سعودی سرکڑدہ غاتتون پدریسہ حوال اٹی ءِ و ڈیہہ انا حکومت آتیان سلابت نا کمک اٹ مذاکرات و پرامن ایسری نا کوشست کننگ اٹی ءِ۔ او اسلام آباد مفاہمتی یادداشت ءِ ساڑی ول ویچڑ عسکری حالیت آتیان کشنگ کن اسٹ انگا کسر گوندسا پارے کہ پاکستان واشنگٹن و تہران ءِ دوارہ مذاکرات نا میز آ اتنگ کن اسیجائی بنداو پٹنگ اٹی ءِ۔ او پارے کہ پاکستان نا موقف پیدوار ءِ کہ ویل آتا ایسری ہیت و گپ و سفارت کاری ٹی مننگ کیک۔ پاکستان نئے بیرہ مکہ اسیجائی دفاعی معاہدہ بلکہ اسٹریٹجک تین پہ تینی دفاعی معاہدہ نا رِد اٹ ہم ہرا قول و ارادگی کرینے، اوڑا عملدرآمد کننگ انگ ءِ۔