خصوصی فیول ریلیف اسکیم ٹوکن ہولڈر آتے ریلیف فراوانی ءِ پک کننگک،ڈپٹی وزیراعظم اسحاق ڈار

اسلام آباد، نائب وزیراعظم و وزیر خارجہ سینیٹر محمد اسحاق ڈار نا کماشی ٹی وزیراعظم نا خصوصی فیول ریلیف اسکیم نا بابت نیشنل اسٹیئرنگ کمیٹی نا اہم ءُ دیوان اس اڈ ہلک۔ دیوان اٹی مچ آ ملک انا کہول آ اسکیم نا بنا غان پد داڑا عملدرآمد، رجسٹریشن نا عمل، ٹوکن نا کاریم اٹ اتنگ و فیول اسٹیشن آتے زرتسکان تعلقدار باندات آتا جم جاچ ءِ ہلنگا۔ دیوان نا وخت آ ڈپٹی وزیراعظم اسحاق ڈار کمامدار آتے پارت کرسا پارے کہ صارف و فیول اسٹیشن آتا غاو تا دمدستی ایسری کن چوبیس گھنٹہ غا تالان اسہ خاص و متحرک نظام اس دمدستی وڑ اٹ جوڑ کننگے۔ او دا ہیت آ زور شاغا کہ صارف و پٹرول پمپ نا مالک آتے ہر وڑ انا ٹیکنیکی کمک نا فراوانی کن ہم 24 نا میکنزم فعال تخنگے، ڈپٹی وزیراعظم پیدوار پارت کرے کہ درست ٹوکن پیش کروک اسہ شاری اسے ہم پدی راہی کننگپ و دا ہیت ءِ پک کننگے کہ دا ریلیف بے اڑاند و بے گرج خواری تیان چَپ دراست حقدار بندغ آتسکان سر مرے، دیوان اٹی بنجائی وزیر پٹرولیم، اقتصادی باندات‘ حوالکاری وشینکاری و آئی ٹی و ٹیلی مواصلات آن بیدس خصوصی کمکار طارق باجوہ، ڈپٹی گورنر اسٹیٹ بینک و چیئرمین اوگرا ہم بشخ ہلکر، داکان بیدس سیکرٹری پٹرولیم، پنجاب و سندھ انا ایڈیشنل چیف سیکرٹری تتون اوار آزاد کشمیر، گلگت بلتستان و اسلام آباد نا سینئر کمامدار آک ہم دا جاگہ غا ساڑی ئسر۔