غریب و نیامی تپہ کن پٹرولیم سبسڈی اسکیم اٹی پین آسراتی نا پڑو
Get real time updates directly on you device, subscribe now.
اسلام آباد ، وزیراعظم محمد شہباز شریف نا کنڈ آن غریب و نیامی تپہ کن پٹرولیم سبسڈی اسکیم اٹی پین آسراتی تننگانے و وزیراعظم نا پارت آ پٹرول سبسڈی اسکیم اٹی رجسٹریشن نا میسج ءِ پورو وڑ اٹ مفت کننگا۔ اسکیم نا رِد اٹ موٹر سائیکل، رکشہ و 800 سی سی اسکان نا گاڈی تا مالک آتے فیول سبسڈی فراوان کننگ انگ ءِ، مچ آ ملک آزاد جموں و کشمیر و گلگت بلتستان اٹی وزیراعظم فیول سبسڈی اسکیم نا رِد اٹ الس اسکان ریلیف رسیفنگ انگ ءِ، اول REG نوشتہ کرسا، اسپیس ترسا‘ شناختی کارڈ نمبر، گاڈی نا نمبر پلیٹ، رجسٹریشن نا صوبہ نا پن نا اولیکو حرف و گاڈی نا رجسٹریشن نا تاریخ 9771 آ مفت میسج کننگ آن اسکیم اٹی رجسٹریشن مریک، فیول سبسڈی اسکیم نا پورو بشخ آک اردو ویب سائٹ www.pmfuelrelief.pk آ ہم ساڑی ءُ۔