نائب وزیراعظم تون یو این سیکرٹری جنرل نا اومیتدار نا اوڑدہی

اسلام آباد، نائب وزیراعظم و وزیر خارجہ سینیٹر محمد اسحاق ڈار و آئی اے ای اے نا ڈائریکٹر جنرل و اقوام متحدہ نا سیکرٹری جنرل کن اومیتدار سفیر رافیل گروسی ڈیہہ انا بدلینگوک حالیت آ تیاگپ و تران کریر۔ سے شنبے نادے آدفتر خارجہ غان جاری بیان نا رداٹ ہڑتوم آ راہشونک تینا ٹیل فون گپ و تران اٹ دا ہیت آ امنا کریر کہ بے چیٹی ءِ کم کننگ کن اسلام آباد مفاہمتی یاداشت (ایم او یو) آ عملدرآمد گچین کسر ءِ۔ رافیل گروسی گرج مننگ آ دا بابت ٹیکنیکی کمک فراوان کننگ نا سلہ خلک۔ نائب وزیراعظم و وزیر خارجہ اقوام متحدہ نا منشور نا مسخت و اصول آتے مونی دننگ و جہانی کانود و معاہدہ غاتا شرف ءِ کننگ کن پاکستان نا پبی عزم انا درشانی ءِ کرے۔ او جہانی امن و شونداری نا ایجنڈا نا دوئی کننگ اٹ اقوام متحدہ نا نظام نا اہمیت ءِ ہم تالان کرے۔ او اقوام متحدہ نا سیکرٹری جنرل نا عہدہ کن تینا مہم اٹ رافیل گروسی کن نیک استخواہی تا درشان ءِ کرے۔