ازبکستان نا 10 باسکی میڈیا ڈَل ہفت دے اکن پاکستان ءِ سر مس
Get real time updates directly on you device, subscribe now.
اسلام آباد، ازبکستان نا 10 باسکی میڈیا ڈَل حکومت پاکستان نا سلہ غا ہفت دے ئی دورہ غا پاکستان آ سر مس۔ ڈل اٹی پنی آ ازبک ٹی وی شخصیت، ڈیجیٹل مواد تخلیق کروک آ بندغ، یوٹیوبرز، پنی آ شخصیت و راجی رابطہ غاتا ویب سائٹ تتون تعلقدار پنی آ بندغ آک اوار ءُ۔ ازبک میڈیا ڈل انا دورہ نا مسخت پاکستان و ازبکستان نا نیام اٹی تین پہ تینی تعلقداری، میڈیا رابطہ و السی کہول آ رابطہ غاتے پین سوگو کننگ ءِ۔ دورہ نا وخت آ ڈل سرکاری و پرائیویٹ بشخ انا جتا جتا ادارہ غاتا نمائندہ غاتتون اوڑدہی کیک و پاکستان نا چندی بشخ آتیٹی مروک شونداری و سرسہبی تا جاچ ءِ ہلیک۔ ڈل ءِ پاکستان نا بدل مروک میڈیا ڈیک‘ السی بیانیہ نا جوڑ کننگ و ملک انا مثبت پجار ءِ پیدوار کننگ اٹی ٹی وی، ڈیجیٹل وسیلہ و راجی رابطہ غاتا ویب سائٹ آتا کڑد آن معلومدار کننگک۔