جماعت اسلامی نا حکومتی وزیر تتون اوڑدہی، بریفنگ ہلک ایان تا

اسلام آباد، جماعت اسلامی نا ڈل بنجائی وزیر علی پرویز ملک، اعظم نذیر تارڑ و بلال اظہر کیانی تون اوڑدہی کرے، ہراٹی پٹرولیم بشخ انا حالیت، ایندھن نا فراوانی و الس ءِ ریلیف تننگ نا گام گیج آتیا جم بریفنگ تننگا۔ جماعت اسلامی نا ڈل انا کماشی ءِ لیاقت بلوچ کرے۔ بنجائی وزیر پٹرولیم علی پرویز ملک پارے کہ ساڑی تنکی نا وخت آ حکومت مچ آ ملک اٹی ایندھن نا بے اڑاند فراوانی ءِ پک کرے،خت اس کہ صارف آتا رکھ و ایندھن نا دوئی مننگ ءِ برجا تخنگ کن جامع گام گیج کننگ انگ ءِ۔ او پارے کہ پٹرولیم تا نہاد آتا پک کننگ نا نظام اٹی ہفت دے ئی نہاد آتے بنداو جوڑ کننگک۔ موٹرسائیکل، چنگچی رکشہ و چنکا گاڈی تیکن سبسڈی ہم فراوان کننگ انگ ءِ، ہرانا مسخت حقدار تپہ غاتے ریلیف سر کننگ ءِ۔